'Уран төсөл' ХХК үйл ажиллагаагаа 2003 оноос эхэлж, орон сууц ашиглалт, барилгын зураг төсөв боловсруулах, барилга угсралтын чиглэлээр үндсэн болон туслан гүйцэтгэгчээр ажиллаж байна.
Тус компани 2010 оноос Оюу Толгой компанид хөдөлмөр хамгааллын бүтээгдэхүүн нийлүүлж эхэлсэн бөгөөд 2012 оноос угсралтын чиглэлээр үйлчилгээ үзүүлдэг болжээ.
'Уран төсөл' ХХК үйл ажиллагаагаа 2003 оноос эхэлж, орон сууц ашиглалт, барилгын зураг төсөв боловсруулах, барилга угсралтын чиглэлээр үндсэн болон туслан гүйцэтгэгчээр ажиллаж байна. Үүний зэрэгцээ төмөр хашаа, барилгын сэндвич, ажилтны ажлын үнэмлэх болох пластик карт, хүнд даацын авто машины дугуй задлагч багаж, төмрийн зүлгүүр, оффисын эргэдэг шилэн хаалга, гараажны болон агуулахын бүх төрлийн автомат хаалга, эд ангиудыг нь нийлүүлэхээс гадна угсралтын ажил хийж гүйцэтгэдэг.
Тус компани 2010 оноос Оюу Толгой компанид хөдөлмөр хамгааллын бүтээгдэхүүн нийлүүлж эхэлсэн бөгөөд 2012 оноос угсралтын чиглэлээр үйлчилгээ үзүүлдэг болжээ. 'Уран төсөл'–ийнхөн Оюу Толгой уурхайд төрөл бүрийн шилэн хаалга нийлүүлж, угсрах үйлчилгээ явуулж байна. Энэ ажлаа эхэлснээс хойш дөрвөн ажлын байр шинээр гаргажээ. Энэ үйлчилгээгээ Монголд шинээр нэвтрүүлж байгаа бөгөөд Евро болон олон улсын стандартад нийцсэн төрөл бүрийн шилэн хаалга нийлүүлдэг хэмээн компанийнхан тайлбарлаж байсан. Эднийх шилэн фасад, ухаалаг хаалганууд импортлох эрхээ авч байгаа аж. Шилэн хийц хагарах, цуурах эрсдэлтэй. Тиймээс Монголын нөхцөлд тээвэрлэх явцдаа хамгаалах, донсолгоонд тохируулан баглаа боодлыг нь тохируулах, даруулах арга технологи шинээр нэвтрүүлж байгаа аж.
Оюу Толгой компанитай хамтарч ажилласнаар ажилтнууд нь хөгжиж байгаа талаар 'Уран төсөл' ХХК-ийн менежер Д.Очирхуяг “Бид олон зүйлийг сурч мэдсэн. Хүмүүс маань аюулгүй ажиллагааны олон сургалтад хамрагдсан. Өнөөдөр аюулгүй ажиллагааг Улаанбаатар дахь ажлын байрандаа хэрэгжүүлдэг болсон. Бас цагаа нарийн төлөвлөж сурсан байгаа. Бүх төрлийн ажлаа эхлэхээс өмнө эрсдэлийн судалгаа хийж хэвшлээ” хэмээн тайлбарласан юм.
Тус компани Оюу Толгой ХХК-ийн 9 дүгээр сарын шилдэг ханган нийлүүлэгчээр шалгарсан юм.
Хариулт үлдээнэ үү