Тус компани 2010 онд байгуулагдсан бөгөөд Оюу Толгой ХХК-тай 2012 оноос гэрээгээр ажиллаж байна. Өнөөдөр Баяжуулах үйлдвэр болон савлагааны хэсэгт даралтат ус, тоосны цэвэрлэгээний үйлчилгээ үзүүлж байгаа юм. Үйлдвэрээс гарсан хаягдал хэсэг доод давхарт хуримлагддаг бөгөөд үүнийг даралтат усаар шүршиж цэвэрлэдэг. Харин тоосны цэвэрлэгээг давхаруудад, мөн савлагааны хэсэгт хийнэ. Энэ үйлчилгээг эрхэлснээр орон нутагт олон ажлын байр шинээр гаргажээ.
– Өгөөмөр Гавилууд компани 24 ажлын байр шинээр гаргажээ –
Оюу Толгой уурхай зэсийн баяжмалаа үлйдвэрлэж, дэлхийн зах зээлд нийлүүлж байна. Уурхайн гол цогцолборын нэг бол Баяжуулах үйлдвэр. Энд хүдэр баяжуулах ажил тасралтгүй явагддаг. Тиймээс үйлчилгээ, цэвэрлэгээ хэрэгтэй. Энэ ажлыг орон нутгийн буюу Өмнөговь аймгийн Ханбогд сумын Өгөөмөр Гавилууд компанийн ажилтнууд хариуцан хийдэг. Тус компани 2010 онд байгуулагдсан бөгөөд Оюу Толгой ХХК-тай 2012 оноос гэрээгээр ажиллаж байна. Өнөөдөр Баяжуулах үйлдвэр болон савлагааны хэсэгт даралтат ус, тоосны цэвэрлэгээний үйлчилгээ үзүүлж байгаа юм. Үйлдвэрээс гарсан хаягдал хэсэг доод давхарт хуримлагддаг бөгөөд үүнийг даралтат усаар шүршиж цэвэрлэдэг. Харин тоосны цэвэрлэгээг давхаруудад, мөн савлагааны хэсэгт хийнэ. Энэ үйлчилгээг эрхэлснээр орон нутагт олон ажлын байр шинээр гаргажээ.
Өнөөдөр 24 ажилтан гурван ээлжээр ажиллаж байна. Ажилтнууд нь 28 хоног ажиллаж, 14 хоног амрах хуваарьтай. Өгөөмөр Гавилууд ХХК-ийн ээлжийн ахлагч Б.Батбаяр “Манай ажилтнууд малчин, жолооч, оператор зэрэг төрөл бүрийн мэргэжлийн хүмүүсээс бүрддэг. Уул уурхайн компани аюулгүй байдлыг нэн тэргүүнд тавьдаг. Тиймээс бид өнгөрсөн хугацаанд Оюу Толгой компанийн аюулгүй ажиллагаанд байнга суралцаж, шинэ мэргэжлээр, шинэ орчинд ажиллаж байна. Ажлын онцлог бол бүх зүйлээ цаг хугацаанд, аюул осолгүй гүйцэтгэх. Ээлж бүр нэг ахлагчтай. Би нэг ээлжийн ахлагч нь” хэмээн ярилаа. Тус компани орон нутагт цоо шинэ төрлийн үйлчилгээний бизнес эрхлэж байгаа нь энэ юм.
Өгөөмөр Гавилууд компани 8 дугаар сарын шилдэг ханган нийлүүлэгчийн Өмнөговийн бизнесийн төрөлд шалгарсан байна.
Хариулт үлдээнэ үү