“Бохир ус цэвэршүүлэх систем” нийлүүлэх тухай

“Оюу толгой” ХХК (цаашид ‘Компани’ гэх) туршлага бүхий боломжит компаниудыг”Бохир ус цэвэршүүлэх систем” нийлүүлэхтэй холбоотой оролцох хүсэлт ирүүлэхийг урьж байна.

Нийлүүлэгч нь дараах бараа эсвэл ажил, үйлчилгээг ханган нийлүүлэх шаардлагатай ба үүгээр хязгаарлагдахгүй:

• Нийлүүлэх ариун цэврийн систем нь гурван бүрэлдэхүүн хэсэгтэй байх шаардлагатай: А. Насосны систем – Хар ус: Хоолны газраас гарсан бохир усыг хүлээн авах насосны станц нь усан дотор суурилуулсан 2 насостай байх шаардлагатай (1 насос нь ажиллаж, нөгөө нь нөөцөнд бэлэн байх). Бохир усны насос нь ½ өдөрт бүрэн суллах хүчин чадалтай байх; агааргүй орчинд ялзрал явагдахаас сэргийлэн бохирыг агааржуулах системтэй байх. Б. Бохир ус цэвэрлэх байгууламж: Гүний уурхайн бохир ус цэвэрлэх байгууламж нь Мембрант биореакторын технологийг ашигласан, хамгийн багадаа 70 м3 бохир ус цэвэршүүлэх хүчин чадалтай, 1.5 өдрийн нөөцтэй байх. В. Даралтжуулах станц: Цэвэрлэх байгууламжаас гарсан цэвэршүүлсэн усыг гол хоолны газрын бие засах газарт шээлтүүр, суултуурын ус болгож ашиглана. Илүү гарсан цэвэршүүлсэн усыг Уурхайн ус зайлуулах системд нийлүүлнэ. Гол хоолны газарт суурилуулсан ус дахин ашиглах төхөөрөмжүүдийг байнгын усаар хангахын тулд хийгээр даралтжуулсан нөөцлүүр шаардлагатай.

Нийлүүлэгч нь дараах бичиг баримтыг бүрдүүлж ирүүлэх шаардлагатай:

• Компанийн танилцуулга / товхимол
• Компанийн Улсын бүртгэлийн гэрчилгээ
• Өмнөх туршлагын мэдээлэл болон гүйцэтгэсэн ажлын талаар лавлагаа тодорхойлолт
• Хэрэв шаардлагатай бол тусгай зөвшөөрлүүд
• Шаардлагатай хүн хүч, гол мэргэжилтнүүдийн танилцуулга
• Бусад шаардлагатай баримт бичгүүд (ЭМААБО/Чанарын бодлого, төлөвлөгөө гэх мэт)

Компани нь боломжит нийлүүлэгчдээс зөвхөн оролцох хүсэлт хүлээн авахаар зарлаж байгаа ба энэ нь нийлүүлэгчдээс ямар нэг бараа, ажил, үйлчилгээ худалдан авах амлалт, баталгаа өгч байгаа хэрэг биш юм.

Холбогдох материалыг Англи ба/эсвэл Монгол хэлээр бэлдэж 2017 оны хоёрдугаар сарын 16-ний өдрийн 17:00 цагаас (Улаанбаатарын цагаар) өмнө OTUGRFxBox@ot.mn хаягаар (цахим шуудангийн гарчигт оролцох хүсэлтийн дугаар – оролцох хүсэлтийн нэр гэж бичиж) ирүүлнэ.

Хэрэв танд ямар нэг асуулт байвал, OTUGRFxBox@ot.mn хаягаар (цахим шуудангийн гарчигт: Асуулт – оролцох хүсэлтийн дугаар – оролцох хүсэлтийн нэр гэж бичиж) 2017 оны хоёрдугаар сарын 2-ны өдрийн 17:00 цагаас (Улаанбаатарын цагаар) өмнө асууна уу.

Компани нь энэхүү ажлын хүрээнд гэрээ байгуулахдаа Монголын талын оролцоог илүү дэмжих бодлогыг баримтална.

Компани нь дутуу эсвэл заасан хугацаанаас хоцорч ирүүлсэн материалыг хүлээн авахаас татгалзах эрхтэй. Компани нь оролцох хүсэлт бэлдэж ирүүлэхтэй холбоотой аливаа зардлыг хариуцахгүй. “Оюу толгой” компани нь зөвхөн шаардлага хангасан эсвэл цаашдын шалгаруулалтанд оруулахаар сонгосон ханган нийлүүлэгчидтэй эргэж холбогдоно.

Өмнө нь “Оюу толгой” компанийн Нийлүүлэгчийн мэдээллийн санд бүртгүүлж байгаагүй ханган нийлүүлэгч http://oyutolgoi.achillesapac.com/mn/ холбоосоор орж бүртгүүлнэ үү.

Санамж: Жэйкобс (Jacobs Engineering Singapore Pte Ltd) нь Компанитай байгуулсан гэрээний дагуу Оюу Толгойн гүний уурхайн Төсөлд зураг төсөл, ханган нийлүүлэлт, барилга угсралтын менежмент зэрэг үйлчилгээ үзүүлж байгаа компани бөгөөд урьдчилсан шалгаруулалтын ажлыг Компанийг төлөөлөн гүйцэтгэнэ.

ОЮУ ТОЛГОЙ” ХХК

ХАНГАМЖИЙН ХЭЛТЭС