“Оюу толгой” ХХК 2015 оны Байгаль орчныг хамгаалах менежментийн төлөвлөгөөнийхөө хүрээнд Өмнөговь аймггийн Ханбогд сумын Жавхлант, Баян, Номгон багуудад тус бүр 5 га талбайд заг тарих, арчилан ургуулахаар төлөвлөн орон нутагт нээлттэй сонгон шалгаруулалт хийж байгаа бөгөөд уг сонгон шалгаруулалтад шалгарсан 3 байгууллагад заавар, зөвлөмж өгөх, заг тарих нутгийн суурь судалгаа, тарилтын дараах хяналт шинжилгээний ажлыг гүйцэтгэх туршлага бүхий боломжит компаниудыг уг тендерт үнийн санал ирүүлэхийг урьж байна. .
Тавигдах үндсэн шаардлага:
- Төслийг хэрэгжүүлэгч нь албан ёсны бүртгэлтэй байгууллага байх
- Хуурай бүс нутгийн орчны төлөв байдал, хяналт шинжилгээний ажил гүйцэтгэж байсан туршлагатай бол илүү давуу талтай;
- Судалгааны ажлын өгөгдөл цуглуулах, боловсруулах, тайланг өндөр түвшинд бичиж чадвартай;
- Орон нутгийн иргэд, засаг захиргааны байгууллагатай харилцах харилцааны өндөр чадвартай байх
Нийлүүлэгч нь дараах ажил үйлчилгээг ханган нийлүүлэх шаардлагатай ба үүгээр хязгаарлагдахгүй:
- Ханбогд сумын Баян, Номгон, Жавхлант багийн нутаг дэвсгэрт Заг тарихаар төлөвлөж байгаа бөгөөд талбайг сонгоход хамтран ажиллах, баг тус бүрт сонгосон талбайн биологийн олон янз байдлын суурь судалгааг хийн, одоогийн нөхцөлийг үнэлж тайлан бичин, баримтжуулна.
- Заг тарих ажлын гүйцэтгэлийн үр дүн 85%-иас багагүй байх тул тарилтыг хийж буй байгууллагад хамгийн үр дүнтэй байж болох хувилбарыг гарган авахад онолын зөвлөлгөө өгөх, тарилтын болон тарилтын дараах арчилгааны явцыг хянах, бүртгэх, баримтжуулах.
- 2015 оны намар, 2016 оны хавар, намрын тооллогыг малчдын бүлэгтэй хамтран хийж, ургалтын явцын өгөгдлийг цуглуулах, боловсруулалт хийн тайлан бичих
- Хяналт шинжилгээний явцын болон эцсийн үр дүнг аймаг, орон нутгийн Засаг захиргааны байгууллага, иргэдэд танилцуулах ажлыг зохион байгуулна.
Төсөл хэрэгжих хугацаа:
2015 оны 8 дугаар сарын 15-аас 2016 оны 10 дугаар сарын 30 хүртэл
Бүрдүүлэх материал:
- Байгууллагын танилцуулга (улсын бүртгэлийн гэрчилгээний хуулбар, төсөлд оролцох гишүүдийн талаарх дэлгэрэнгүй мэдээлэл);
- Төслийг гүйцэтгэх тухай дэлгэрэнгүй танилцуулга, төлөвлөгөө, тоног төхөөрөмжийн жагсаалт;
- Төсөл хэрэгжүүлэх санхүүгийн тооцоо, задаргаа,
- Төслийг чанартай гүйцэтгэх, хэрэгжүүлэх явцад гарч болох аливаа эрсдэлийг бие даан хариуцах чадвартай гэдгийг албан бичгээр баталгаажуулсан байх
Компани нь боломжит ханган нийлүүлэгчдээс зөвхөн үнийн санал хүлээн авахыг хүсч байгаа байгаа ба энэ нь ханган нийлүүлэгч болон ханган нийлүүлэгчдээс энэхүү бараа материалыг худалдан авахаар өгч байгаа баталгаа буюу амлалт биш болохыг мэдэгдэж байна. Компани нь үнийн санал бэлтгэх болон Компанид ирүүлэхтэй холбогдон гарсан аливаа зардлыг хариуцахгүй болно.
Оролцох хүсэлтэй компаниуд үнийн саналаа 2015 оны 08 сарын 3-ны өдрийн 17.00 цагаас өмнө (Улаанбаатарын цагаар) Компанийн RFxBox@ot.mnцахим шуудангийн хаягаар Хавсралтад заасан загварын дагуу бэлдэж ирүүлнэ үү.
RFxBox@ot.mn – руу цахим шуудан явуулах санамж
Та доорх санамжтай сайтар уншиж танилцна уу.
- Цахим шуудан илгээхээс өмнө “Subject” гэсэн талбарт буюу “Гарчиг” хэсэгт Сонгон шалгаруулалтын дугаар болон нэрийг заавал оруулна. Жишээ нь: Subject: C-780 Тосолгооны материал нийлүүлэх
- Хэрэв Таны цахим шуудан том хэмжээтэй буюу 10Mb аас дээш хэмжээтэй тохиолдолд хэдэн хэсэгт хуваан салгаж тус тусад нь явуулна. Ингэхдээ цахим шуудан бүрийн “Subject” буюу “Гарчиг” хэсэгт доорх байдлаар хэсэг бүрийг дугаарлан явуулна. Ингэснээр бид дараа нь Таны илгээсэн цахим шууданг нэгтгэх боломжтой юм.
- Subject: C-780 Тосолгооны материал нийлүүлэх Part – 1
- Subject: C-780 Тосолгооны материал нийлүүлэх Part – 2
- Subject: C-780 Тосолгооны материал нийлүүлэх Part – 3
- Хэрэв танд энэ тендерийн талаар ямар нэг асуулт байвал, RFxBox@ot.mn хаягаар (цахим шуудангийнгарчигт: Асуулт – B-330 – Заг тарилтын мониторинг гэж бичин) 2015 оны 07 сарын 28-ны өдрийн 14:00 цагаас өмнө асууна уу.
“Оюу толгой” компани зөвхөн дараагийн шатны шалгаруулалтанд тэнцсэн ханган нийлүүлэгчтэй холбогдох болно.
Сонирхогч талууд “Оюу толгой” компанийн Ханган нийлүүлэгчийн мэдээллийн санд өмнө нь бүртгүүлж байгаагүй бол Ханган нийлүүлэгчээр бүртгүүлэх холбоосоор орж бүртгүүлэх http://oyutolgoi.achillesapac.com/mn/ шаардлагатай болохыг анхаарна уу.
Хангамжийн хэлтэс
“Оюу толгой” ХХК