Тус компани уул уурхайн салбарт зөвлөх үйлчилгээ үзүүлдэг бөгөөд ашигт малтмалын эрэл, хайгуул, нарийвчилсан зураг төсөл, эдийн засаг, зах зээлийн судалгаа, хөндлөнгийн хяналт, гэрээт менежментийн чиглэлээр ажилладаг.
Сүүлийн жилүүдэд манай улсад уул уурхай эрчимтэй хөгжиж, энэ чиглэлээр олон компани байгуулагдан, Монголын зах зээл дээр амжилттай ажиллаж байна. Тэдгээрийн нэг нь Гложекс ХХК юм. Эднийх 2008 онд байгуулагдсан бөгөөд өнөөдөр 43 инженер, техникийн ажилтантай үйл ажиллагаа явуулж байна.
Тус компани уул уурхайн салбарт зөвлөх үйлчилгээ үзүүлдэг бөгөөд ашигт малтмалын эрэл, хайгуул, нарийвчилсан зураг төсөл, эдийн засаг, зах зээлийн судалгаа, хөндлөнгийн хяналт, гэрээт менежментийн чиглэлээр ажилладаг. Мөн өнгөт, үнэт металл, нүүрс, барилгын материал болон бусад ашигт малтмалын ордуудын нөөцийн үнэлгээнээс олборлолт хүртлэх бүх шатанд зөвөлгөө өгдөг юм байна.
Уул уурхайн төслийн Техник эдийн засгийн үндэслэл боловсруулах, хөндлөнгийн шинжээч хийх, эдийн засгийн үнэлгээ, зах зээлийн судалгаа, төлөвлөлт, менежментийн чиглэлээр мэргэшсэн, дотоодын боловсон хүчнээр бүрдсэн үндэсний компани аж.
Гложекс компани энэ оноос Оюу Толгой ХХК-тай хамтран ажиллаж байна. Өнөөдөр Оюу Толгой төслийн талбай дээрх улаан шаврын нөөцийн судалгаа, үнэлгээний ажил гүйцэтгэж байгаа юм. Энэ ажлынхаа талаар Гложекс ХХК-ийн Гүйцэтгэх захирал Г.Батзориг “Оюу Толгойн барилга бүтээн байгуулалтад шаардлагатай байгаа шаврын нөөцийг тодорхойлох, хэрхэн, ямар өртөгөөр олборлох эдийн засгийн тооцоолол хийж байгаа” хэмээн ярилаа.
Уул уурхайд хүчээ нэмж буй тус компани Оюу Толгой ХХК-ийн 8 дугаар сарын шилдэг ханган нийлүүлэгчээр шалгарсан юм.
Хариулт үлдээнэ үү