Оюу Толгой ХХК-д олон зуун компани бүтээгдэхүүн үйлчилгээ нийлүүлдэг. Эдгээр газрын нэг бол Easy Supply ХХК юм. Тус компани Оюу Толгой компанитай өнгөрсөн 2012 оноос хамтран ажиллаж байна.
Оюу Толгой ХХК-д олон зуун компани бүтээгдэхүүн үйлчилгээ нийлүүлдэг. Эдгээр газрын нэг бол Easy Supply ХХК юм. Тус компани Оюу Толгой компанитай өнгөрсөн 2012 оноос хамтран ажиллаж байна. Easy Supply ХХК АНУ-ын стандартад нийцсэн сантехникийн бараа бүтээгдэхүүн Монголын зах зээлд нийлүүлдэг.
Easy Supply ХХК-ийн Худалдан авалтын менежер Л.Золзаяа “Манай компани дотоодын зах зээлд барилгын материал борлуулдаг. Энэ салбартаа 4-5 жилийн туршлагатай. Европ стандартын сангийн угсралтын тоног төхөөрөмж болон бусад барилгын материал оруулж ирдэг” хэмээн танилцууллаа. Тэрээр “Оюу Толгой компанийн тендер нээлттэй, ил тод, шударга болдог” гэж онцолж байсан.
Эднийх Оюу Толгой компанитай хамтран ажилласнаар борлуулалтын орлого нь 30 хувиар нэмэгдсэн байна. Бас олон улсын компанитай хамтран ажиллаж, англи хэлээр гэрээ хийхээс эхлээд, харилцах шаардлагаас үүдээд ажилчдынх нь англи хэлний мэдлэг сайжран, бусад чадварууд ч нэмэгдэж байгаа аж. Мөн Оюу Толгой компаниас зохион байгуулсан сургалтад ч хүмүүсээ идэвхтэй хамруулж иржээ. Тус компани АНУ, Австри, Канад, БНХАУ зэрэг улсаас бүтээгдэхүүнээ оруулж ирдэг бөгөөд чанартай, үнийн хувьд ч боломжийн ажээ.
Оюу Толгой ХХК ханган нийлүүлэгчдийнхээ үзүүлсэн онцгой үйлчилгээг сайшаан урамшуулах зорилгоор “Сарын шилдэг нийлүүлэгч” шалгаруулдаг уламжлалтай. Easy Supply компани 8 дугаар сарын шилдэг жижиг бизнесээр шалгарсан байна.
Хариулт үлдээнэ үү