Тус компани өнгөрсөн оноос Оюу Толгойтой хамтран ажиллах болжээ. Өнөөдөр уурхай дээр үйлчилгээ үзүүлж байна. Компанийн захирал Г.Естболд “Бид Оюу Толгой компанитай хамтарч ажилласнаар 20 гаруй байнгын ажлын байр гаргалаа. Одоо компани 50 орчим хүнтэй үйл ажиллагаа явуулж байна” хэмээн ярилаа.
Холбоо харилцаа өнөөдөр хүмүүст ус, агаар мэт хэрэгтэй байгаа. Үүнийг дагаад олон төрлийн үйлчилгээний байгууллагууд бий болжээ. Ийм нэгэн газар бол ‘Промон’ ХХК юм. Тус компани нь 2009 онд байгуулагдсан бөгөөд өнөөдөр бараа бүтээгдэхүүн борлуулахаас гадна байгууллагуудын гэрээт мэдээлэл, технологийн болон суурилуулалтын үйлчилгээ явуулж байна. Хяналтын камер, дотоод сүлжээ, зарлан мэдээлэх систем, гал, хулгайн дохиолол зэрэг суурилуулалтаар зах зээлд өрсөлдөхүйц үйлчилгээ үзүүлдэг.
Орон нутагт үйл ажиллагаа явуулдаг хайгуулын өрмийн компаниуд гэхэд л эднийхээс цогц үйлчилгээ авдаг. Өөрөөр хэлбэл ‘Промон’ компани сансрын тавган антенн байрлуулж интернэтийн асуудлыг шийдэхээс гадна дагалдах WiFi болон утасны үйлчилгээ үзүүлдэг. Хайгуулын компаниуд байнга хөдөлгөөнтэй болохоор нүүхэд нь дагаж нүүгээд харилцаа холбоог нь шийддэг байна. Ийм антенн өндөр үнэтэй болохоор хайгуулын компаниуд худалдаж авахгүй зөвхөн зуны гурван сар л түрээслэнэ. Өнөөдөр ийм түрээсийн үйлчилгээг ‘Промон’ компани л Монголд дангаараа үзүүлж байгаа аж.
Тус компани өнгөрсөн оноос Оюу Толгойтой хамтран ажиллах болжээ. Өнөөдөр уурхай дээр үйлчилгээ үзүүлж байна. Компанийн захирал Г.Естболд “Бид Оюу Толгой компанитай хамтарч ажилласнаар 20 гаруй байнгын ажлын байр гаргалаа. Одоо компани 50 орчим хүнтэй үйл ажиллагаа явуулж байна” хэмээн ярилаа. Өнгөрсөн хугацаанд эдний хийсэн томоохон үйлчилгээний нэг нь Оюу Толгой уурхайн ажилчдын амьдардаг байрыг бүхлээр нь IPTV-тэй болгосон ажил. Нэлээд хугацаа зарцуулсан, гар ажиллагаа орсон ажил байсан шүү хэмээн захирал Г.Естболд өгүүлнэ лээ.
Оюу Толгой уурхай аюулгүй байдлыг нэн тэргүүнд тавьдаг. Тэгвэл ‘Промон’ компанийнхан энэхүү аюулгүй ажиллагааны соёлоос суралцаж, өдөр тутмын ажилдаа байнга хэрэгжүүлдэг болсон байна.
Хариулт үлдээнэ үү