Э.Батхүүгийн нямбай, ажлаа цаг хугацаанд нь гүйцэтгэдэг, бүтээгдэхүүн сайжруулах зөвлөгөө, мэдээллийг тусгадаг байдал нь дараагийн томоохон ажлын захиалга өгөх итгэл төрүүлж байв. Тэрээр том төмөр самбарууд, гэрийн зуухны нэлээд олон захиалга гүйцэтгээ, ажилтны тоог нэмж, гурван хүн байнгын ажилтай болгожээ.
Даланзадгад сумын иргэн Э.Батхүү гагнуурчин, мужааны мэргэжилтэй. Бас хувиараа бизнес эрхлэгч.
Оюу Толгой ХХК-ийн Орон нутгийн ханган нийлүүлэгчдийг хөгжүүлэх багийнхан 2011 сүүлчээр Даланзадгад суманд уурхайд хэрэгцээтэй замын тэмдэг, тэмдэглэгээ, анхааруулах тэмдэгүүд хийлгэх газрыг судалж байлаа. Тэр үед Батхүүгийн бизнестэй танилцсан байна. Хэдийгээр тэнд тэмдэг хэвлэх компани байсан ч төмөр бэлдэц суурийг хийх газар хэрэгтэй байлаа. Тиймээс хэвлэлийн Сэтгэшгүй хойч компани болон Э.Батхүү нарыг холбож, замын тэмдэг болон анхааруулах тэмдэгийн стандарт, шаардлагын талаар мэдээлэл, зөвлөгөө өгч эх загварыг дуурайлгаж хийлгэснээр орон нутгаас байнга нийлүүлэх цоо шинэ жижиг төмөр бүтээгдэхүүний төрлийг Өмнөговьд бий болох эх суурь тавигджээ.
Э.Батхүүгийн нямбай, ажлаа цаг хугацаанд нь гүйцэтгэдэг, бүтээгдэхүүн сайжруулах зөвлөгөө, мэдээллийг тусгадаг байдал нь дараагийн томоохон ажлын захиалга өгөх итгэл төрүүлж байв. Тэрээр том төмөр самбарууд, гэрийн зуухны нэлээд олон захиалга гүйцэтгээ, ажилтны тоог нэмж, гурван хүн байнгын ажилтай болгожээ. Үүний зэрэгцээ санхүү нь сайжирч цахилгаан зүсэгч, дрилл, будгийн компрессор зэрэг багаж авч контейнер доторлогоо болон нарийн төмөр хийцийн ажлуудыг гүйцэтгэдэг болж, үйл ажиллагаагаа ч өргөжүүлжээ.
Оюу Толгой компанийн Бизнес хөгжлийн төвд явагдсан өртөг үнэлгээ тооцох, маркетинг, аюулгүй ажиллагаа зэрэг сургалтуудад Э.Батхүү хамрагдаж, мэдлэгтэй болсноос гадна ажилтнууддаа ч зааварчилж, байнга мөрдүүлэх болжээ. Тэрээр “Би ханган нийлүүлэгчдийг дэмжих зээлд хамрагдсан. Ингэснээр томоохон захиалга гүйцэтгэх санхүүгийн боломжой боллоо” хэмээн ярилаа. Түүний хувьд ажлаа цаг хугацаанд нь гүйцэтгэж байгаа төдийгүй цаашид өөрийн ажлын байртай болох зорилго тавьжээ.
Тэрээр өөрийн амжилтаар Оюу Толгой ХХК-ийн 6 дугаар сарын шилдэг ханган нийлүүлэгчээр шалгарсан юм.
Хариулт үлдээнэ үү