компанийн ерөнхий захирал Л.Гомбо ярихдаа "манай компани 'Оюу толгой'-той хамтран ажиллаад хоёр жил болж байна. 2012 онд 400-500 сая, энэ онд нэг тэрбум төгрөгийн бараа, бүтээгдэхүүн нийлүүллээ. Дэлхийд тэргүүлэгч 'Оюу толгой' компанитай хамтран ажиллаж байгаадаа сэтгэл хангалуун байна" гэв.
Дэлхийд тэргүүлэгч Монголын уул уурхайн ‘Оюу толгой’ компани зургадугаар сарын шилдэг ханган нийлүүлэгч аж ахуйн нэгжээ шалгарууллаа. Ийм уламжлал бий болсоор гурван жилийн нүүр үзэж байгаа юм. Сарын шилдэг ханган нийлүүлэгчийг шалгаруулахдаа ‘Оюу толгой’ төслийн үйл ажиллагаанд оруулсан онцгой хувь нэмрийг харгалздаг учиртай. Ингэж онцгойлон үзэхээс ч аргагүй. Учир гэвэл, ‘Оюу толгой’ төсөлд бараа бүтээгдэхүүнээ нийлүүлдэг 1200 гаруй компани байдаг. Үүний дотроос шилдгийн шилдгийг тодруулах тийм ч амаргүй. Сарын шилдэг ханган нийлүүлэгчийг дөрвөн төрлөөр шалгаруулдаг бөгөөд энэ удаа гурван төрлөөр тодруулсан юм.
Зургадугаар сарын шилдэг бичил ханган нийлүүлэгчээр ‘Ав шүтээн’ компани шалгарчээ. ‘Ав шүтээн’ компанийн ерөнхий захирал Л.Гомбо ярихдаа “манай компани ‘Оюу толгой’-той хамтран ажиллаад хоёр жил болж байна. 2012 онд 400-500 сая, энэ онд нэг тэрбум төгрөгийн бараа, бүтээгдэхүүн нийлүүллээ. Дэлхийд тэргүүлэгч ‘Оюу толгой’ компанитай хамтран ажиллаж байгаадаа сэтгэл хангалуун байна” гэв. 2007 онд байгуулагдсан тус компани барилгын материал, ялангуяа бүх төрлийн төмөр, төмөр хийцийн бизнесээр дагнан үйл ажиллагаа явуулдаг юм байна. Анх гурвуулхнаа байсан бол одоо 20-иод ажилчинтай, орчин үеийн суурь машин, тоног төхөөрөмж бүхий том айл болсон аж.
‘Оюу толгой’ компанийн үндэсний ханган нийлүүлэлтийг дэмжих багийн ажилтан Г.Мөнххуяг “шилдэг ханган нийлүүлэгчийг тодруулахдаа хамгийн их бүтээгдэхүүн, үйлчилгээг олон удаагийн гэрээгээр хугацаанд нь чанартай нийлүүлсэн, сав, баглаа, боодлын чанар зэрэг олон үзүүлэлтийг харгалзан дүгнэдэг юм. Сарын шилдэг аж ахуйн нэгжээр шалгарснаар компаниа олон нийтэд сурталчилж, жилийн шилдэг ханган нийлүүлэгчид өрсөлдөх боломжтой болдог” хэмээн ярилаа.
Хариулт үлдээнэ үү