“Оюу толгой” ХХК (цаашид ‘Компани’ гэх) туршлага бүхий компаниудыг Цогтцэций сумын нутаг дэвсгэрт зам усалгааны үйлчилгээ үзүүлэх тухай Оролцох сонирхол илэрхийлэх хүсэлт (ОСИХ)-д сонирхлоо ирүүлэхийг урьж байна.
[“Оролцох сонирхол илэрхийлэх хүсэлт-ОСИХ” нь Тендерийн үйл ажиллагааны эхний шат бөгөөд худалдан авах хэрэгцээт бүтээгдэхүүн үйлчилгээг нийлүүлэх сонирхолтой, чадавхи бүхий боломжит ханган нийлүүлэгчид зах зээл дээр байгаа эсэхийг олж тодорхойлох зорилготой үйл явц юм.]
Ханган нийлүүлэгч нь дараах ажлыг гүйцэтгэх үүрэгтэй бөгөөд эдгээрээр хязгаарлагдахгүй:
Ажлын цар хүрээ:
Оюу Толгой ХХК нь экспортын бүтээгдэхүүн тээвэрлэх чиглэлээ олон төрөлжүүлэх зорилгоор Тавантолгой-Зүүнбаян (ТТ-ЗБ) чиглэлийн төмөр замын Цогтцэций өртөөг ашиглан тээвэрлэлт хийхээр төлөвлөж байна. Энэхүү санаачилгын хүрээнд:
- Зэсийн баяжмал тээвэрлэж буй цувааны хөдөлгөөнөөс үүсэх тоос, тоосонцрыг бууруулах хяналтын арга хэмжээ авч хэрэгжүүлнэ.
- Байгаль орчин болон орон нутгийн иргэдэд үзүүлэх сөрөг нөлөөллийг бууруулахад чиглэсэн зохих ажлуудыг хэрэгжүүлнэ.
Үйлчилгээ үзүүлэгч нь дараах үүргийг гүйцэтгэнэ:
- Техникийн шаардлага хангасан усны машинаар хангах:
- Мананцар үүсгэгч системтэй, бүрэн ажиллагаатай, техникийн шаардлага бүрэн хангасан 1-2 ширхэг усны машинаар хангах.
- Жолооч, операторын бүрдүүлэлт:
- Туршлагатай, мэргэшсэн жолооч, оператораар хангаж, тогтмол ажиллуулах.
- Хяналтын ажилтан томилох:
- Дараах үүгийг гүйцэтгэх нэг (1) хяналтын ажилтанг томилж ажиллуулах:
- Өдөр тутмын үйл ажиллагааг удирдах.
- Маршрутын дагуу хийгдэх ажлын гүйцэтгэлийг хянах.
- Оюу Толгой төслийн хариуцсан ажилтанд шууд тайлагнах.
- Дараах үүгийг гүйцэтгэх нэг (1) хяналтын ажилтанг томилж ажиллуулах:
- Ажлын цагийн зохион байгуулалт:
- Цувааны хуваарьт нийцүүлэн 12 цагийн ээлжээр ажиллана.
- Үйлчилгээний тогтвортой байдал:
- Бүх захиалга биелэгдтэл цуваа эргэлтийн турш тасралтгүй үйлчилгээ үзүүлэх.
- Жолоочид үзүүлэх дэмжлэг үйлчилгээ:
- Усны машины жолооч нарыг хоол унд, байраар хангах.
- Зардлын хариуцлага:
- Усны машины шатахуун тос, засвар үйлчилгээ болон ашиглалтын бүх зардлыг үйлчилгээ үзүүлэгч бүрэн хариуцна.
- Аюулгүй ажиллагаа, замын хөдөлгөөний дүрэм:
- Аюулгүй ажиллагааны болон замын хөдөлгөөний холбогдох бүх дүрэм журмыг бүрэн мөрдөж ажиллах.
Ерөнхий шаардлагууд:
- Энэхүү Оролцох сонирхол илэрхийлэх хүсэлт нь зөвхөн Өмнөговь аймгийн ханган нийлүүлэгчдэд хамааралтай болно. Оюу толгойн Ханган нийлүүлэгчдийг хөгжүүлэх бодлогын дагуу Өмнөговийн ханган нийлүүлэгч гэж доорх шаардлагыг хангасан үндэсний ханган нийлүүлэгчийг хэлнэ. Үүнд:
- Өмнөговь аймагт бүртгэлтэй байх,
- Өмнөговь аймагт бараа үйлдвэрлэдэг, нийлүүлдэг, эсвэл үйлчилгээ үзүүлдэг байх,
- Нийт үндсэн ажилтны 75-аас дээш хувь нь Өмнөговь аймагт амьдарч, ажилладаг Монгол Улсын иргэн байх,
- “Оюу толгой” ХХК-тай гэрээ байгуулан ажиллаж буй тухайн байгууллагын төв эсхүл салбар нь Өмнөговь аймагт бүртгэлтэй байх.
- Цогтцэций суманд үйл ажиллагаа явуулдаг бол давуу тал болно.
- Өмнөговь аймаг/сумын засаг захиргааны тодорхойлолт дээр үндэслэн энэхүү Оролцох сонирхол илэрхийлэх хүсэлт зарлагдсанаас хойш Өмнөговь аймагт бүртгүүлсэн аливаа ханган нийлүүлэгчийг хүчингүйд тооцно.
Оролцох сонирхол илэрхийлэх хүсэлт болон бусад холбогдох нэмэлт дэлгэрэнгүй мэдээллийг бидний http://ot.mn/suppliers/ хаягаар орж танилцана уу.
Дээрх ажлыг гүйцэтгэх туршлагатай, сонирхсон ханган нийлүүлэгчид хамгийн цөөндөө доор дурдагдсан мэдээлэл, бичиг баримтуудыг хавсарган ирүүлнэ үү:
Шаардлагатай бичиг баримтууд:
- Улсын бүртгэлийн гэрчилгээ (хуулбар)
- Эрүүл мэнд, аюулгүй ажиллагаа, байгаль орчны бодлогын баримт бичгүүд, журмууд (хуулбар);
- Бизнесийн ёс зүйн хэм хэмжээ, дүрэм [Энэхүү баримт бичиг нь авлига, хээл хахуулийн эсрэг, сонирхлын зөрчил, шударга хөдөлмөр эрхлэлтийн стандарт, хүний эрх, олон талт болон эрх тэгш байдал, талуудын оролцоо, худалдан авалт болон бусад зүйлсийг багтаасан байна.] (хуулбар).
- Сүүлийн 3 жилийн санхүүгийн тайлан (хуулбар)
- Танай компанийн тухай ерөнхий мэдээлэл:
- Ерөнхий танилцуулга
- Хувьцаа эзэмшигчдийн мэдээлэл
- Байгууллагын бүтэц болон нийт ажиллах хүчин
- Тухайн аймаг, сумын засаг захиргаанаас авсан тухайн захиргаанд бүртгэлтэй, үйл ажиллагаа явуулдгыг баталгаажуулсан “Аж ахуйн нэгж”-ийн тодорхойлолт.
* Хэрэв холбогдох бичиг баримтууд сүүлийн хэлбэрээр “Оюу толгой” компанийн “Оюу” Ханган нийлүүлэгчдийн мэдээллийн санд орсон бол ирүүлэх баримт бичигт тэмдэглэгээ хийн ирүүлнэ үү.
Ажлын цар хүрээнд шаардлагатай нэмэлт бичиг баримтууд:
- Ажлын цар хүрээнд тусгагдсан холбогдох ажлын туршлага, танилцуулга
- Харилцагч байгууллагуудаас гаргасан тодорхойлолт, хэрэв байгаа бол (доод тал нь 2)
- Усны нөөц ашиглах гэрээ
- Тээврийн хэрэгслийн гэрчилгээ зөвшөөрөл
- Тээврийн хэрэгслийн бүртгэлийн гэрчилгээ
- Техникийн хяналтын гэрчилгээ
- Тээврийн үйл ажиллагаа эрхлэх зөвшөөрөл
- Жолоочийн мэргэжлийн үнэмлэх
- Даатгалын гэрчилгээ.
Оролцох сонирхлоо илэрхийлэх хүсэлтэй ханган нийлүүлэгчид “Оюу” Ханган нийлүүлэгчдийн мэдээллийн санд бүртгүүлсэн байх шаардлагатай. “Оюу” мэдээллийн санд бүртгүүлж амжаагүй ханган нийлүүлэгчид https://oyu-supplierdatabase.ot.mn/ цахим хаягаар орж бүртгүүлнэ үү. Хэрэглэгчийн гарын авлагыг энд дарж үзнэ үү.
Оролцох сонирхол илэрхийлэх хүсэлтээ Англи эсхүл Монгол хэл дээр шаардсан материалын дагуу бэлтгэн “Оюу” Ханган нийлүүлэгчдийн мэдээллийн сангаар дамжуулан 2025 оны 08-р сарын 11-ний өдрийн 17:00 цагаас өмнө ирүүлнэ.
Анхаарах зүйлс:
- Компани нь зөвхөн Оролцох сонирхол илэрхийлэх хүсэлт хүлээн авахаар зарлаж байгаа бөгөөд энэ нь ханган нийлүүлэгчдээс ямар нэг бүтээгдэхүүн, ажил үйлчилгээ худалдан авах амлалт, баталгаа өгч байгаа хэрэг биш юм.
- Компани нь дутуу эсвэл тогтоосон хугацаанаас хоцорч ирүүлсэн материалыг хүлээн авахаас татгалзах эрхтэй.
- Интернет мэдээллийн сан, өөр бусад вэб хуудас, холбоост хадгалсан Оролцох сонирхол илэрхийлэх хүсэлтийг хүлээж авахгүй.
- Оролцох сонирхол илэрхийлэх хүсэлт бэлтгэж ирүүлэхтэй холбоотой аливаа зардлыг Компани хариуцахгүй.
- Оролцох сонирхол илэрхийлэх хүсэлтийн хүрээнд асуулт, хариулт явагдахгүй.
“ОЮУ ТОЛГОЙ” ХХК
ХУДАЛДАН АВАЛТЫН ГАЗАР