“Оюу толгой” ХХК (цаашид ‘Компани’ гэх) боломжит эсхүл туршлагатай компаниудыг Дизель түлш ханган нийлүүлэх тухай Оролцох сонирхол илэрхийлэх хүсэлт (ОСИХ)-д сонирхлоо ирүүлэхийг урьж байна.
[“Оролцох сонирхол илэрхийлэх хүсэлт-ОСИХ” нь Тендерийн үйл ажиллагааны эхний шат бөгөөд худалдан авах хэрэгцээт бүтээгдэхүүн үйлчилгээг нийлүүлэх сонирхолтой, чадавх бүхий боломжит ханган нийлүүлэгчид зах зээл дээр байгаа эсэхийг олж тодорхойлох зорилготой үйл явц юм]
Ажлын цар хүрээ:
Ханган нийлүүлэгч нь дараах хэмжээ, техникийн үзүүлэлт бүхий дизель түлшийг ханган нийлүүлэх бөгөөд нийлүүлэлтэд доорх үндсэн шаардлагууд тавигдана.
Түлш ханган нийлүүлэлтэд тавигдах анхан шатны шаардлагууд
| Бүтээгдэхүүн | Xүхрийн агууламж 10ppm-ээс ихгүй Евро-5 стандартын дизель түлш |
| Нийлүүлэлтийн хэмжээ | Xүхрийн агууламж 10ppm-ээс ихгүй Евро-5 стандартын дизель түлш – жилд ойролцоогоор 100,000,000 литр
Санамж: Энэхүү тоо хэмжээг Компанийн шийдвэрээр хэд хэдэн нийлүүлэгчид хуваах магадлалтай. |
| Агуулахын хүчин чадал | Өөрийн эсвэл түрээсийн түлш хадгалах савтай байх. Агуулах байгууламж нь шаардлагатай түлшний хэмжээг тасралтгүй нийлүүлэхэд хангалттай хүчин чадал, багтаамжтай байхаас гадна Компанийн хүсэлтээр нэмэлт түлш хадгалах хүчин чадал бүхий байх. |
| Хүргэх цэг | Монгол улсын Өмнөговь аймгийн Ханбогд сум, Улаанбаатар хотоос урагш 620 орчим километрт байрладаг Оюу толгойн уурхайн талбар |
| Хүргэлтийн хуваарь | Өдөрт 5-7 ачааны машин (урьдчилан тохирсон хүргэлтийн хуваарийн дагуу) |
| Тоног төхөөрөмж | Ачааны машин, чиргүүл бүр нь холбогдох стандартын дагуу зохих шүүлтүүртэй амьсгалах төхөөрөмжтөй, нэмэлт шүүлтүүрийн системтэй, танкийн паспорт, гэрчилгээжсэн байх |
| Чанарын нийцэл | Түлшны чанар нь Евро стандартын шаардлагад нийцсэн байх.
Хүргэлт бүрт холбогдох чанарын паспортыг хавсаргасан байх. Түлшны шинжилгээг Техникийн тодорхойлолтын дагуу ASTM эсвэл MNS стандарт аргачлалын дагуу хийдэг байх |
| Тусгай зөвшөөрөл | Түлш импортлох, хадгалах, тээвэрлэх, бөөний худалдаа хийхтэй үйл ажиллагаа эрхлэх тусгай зөвшөөрөл нь дор хаяж 3 жил хүчинтэй байх ёстой |
Дээрх ажлыг гүйцэтгэх туршлагатай, сонирхсон ханган нийлүүлэгчид хамгийн цөөндөө доор дурдагдсан мэдээлэл, бичиг баримтуудыг хавсарган хамт ирүүлнэ үү:
Шаардлагатай бичиг баримтууд:
- Улсын бүртгэлийн гэрчилгээ (хуулбар)*
- Эрүүл мэнд, аюулгүй ажиллагаа, байгаль орчны бодлогын баримт бичиг, журмууд (хуулбар)*
- Бизнесийн ёс зүйн хэм хэмжээ, дүрэм [Энэхүү баримт бичиг нь авилга, хээл хахуулийн эсрэг, сонирхлын зөрчил, шударга хөдөлмөр эрхлэлтийн стандарт, хүний эрх, олон талт болон эрх тэгш байдал, талуудын оролцоо, худалдан авалт болон бусад зүйлсийг багтаасан байна.] (хуулбар)*
- Сүүлийн 3 жилийн аудитлагдсан санхүүгийн тайлан (хуулбар)*
- Танай компанийн тухай ерөнхий мэдээлэл*:
- Хувьцаа эзэмшигчдийн мэдээлэл, дүрмийн хуулбар*
- Гүйцэтгэх удирдлагын багийн гишүүдийн мэдээлэл, танилцуулга*
- Байгууллагын бүтэц болон нийт ажиллах хүчин*
* Хэрэв холбогдох бичиг баримтууд сүүлийн хэлбэрээр “Оюу толгой” компанийн “Оюу” Ханган нийлүүлэгчдийн мэдээллийн санд орсон бол ирүүлэх баримт бичгэнд тэмдэглэгээ хийн ирүүлнэ үү.
Ажлын цар хүрээнд шаардлагатай нэмэлт бичиг баримтууд:
- Ажлын цар хүрээнд тусгагдсан холбогдох ажлын туршлага, танилцуулга
- Харилцагч байгууллагуудаас гаргасан тодорхойлолт (доод тал нь 2)
- Тусгай зөвшөөрлүүд (түлш импортлох, хадгалах, тээвэрлэх, бөөний худалдаа эрхлэх)
- Евро 5 стандартын дизель түлш нийлүүлэх эх үүсвэрүүд (түлшний үйлдвэрүүд болон худалдааны түншүүдийг тусгах)
- Нийлүүлэх боломжит хэмжээ болон жилийн нийлүүлэлтийн хүчин чадал
- Хадгалах байгууламжийн талаархи дэлгэрэнгүй мэдээлэл, үүнд байгууламжийн хүчин чадал, байршил, ашиглалтад оруулсан бичиг баримт, холбогдох тусгай зөвшөөрөл орох бөгөөд эдгээрээр хязгаарлагдахгүй.
Оролцох сонирхлоо илэрхийлэх хүсэлтэй ханган нийлүүлэгчид “Оюу” Ханган нийлүүлэгчдийн мэдээллийн санд бүртгүүлсэн байх шаардлагатай. “Оюу” мэдээллийн санд бүртгүүлж амжаагүй ханган нийлүүлэгчид https://oyu-supplierdatabase.ot.mn/ цахим хаягаар орж бүртгүүлнэ үү. Хэрэглэгчийн гарын авлагыг энд дарж үзнэ үү.
Оролцох сонирхол илэрхийлэх хүсэлтээ Англи болон/эсхүл Монгол хэл дээр бэлтгэн “Оюу” Ханган нийлүүлэгчдийн мэдээллийн сангаар дамжуулан 2025 оны 08-р сарын 27-ны өдрийн 17:00 цагаас өмнө ирүүлнэ.
Анхаарах зүйлс:
- Компани нь зөвхөн Оролцох сонирхол илэрхийлэх хүсэлт хүлээн авахаар зарлаж байгаа бөгөөд энэ нь ханган нийлүүлэгчдээс ямар нэг бүтээгдэхүүн, ажил үйлчилгээ худалдан авах амлалт, баталгаа өгч байгаа хэрэг биш юм.
- Компани нь дутуу эсвэл тогтоосон хугацаанаас хоцорч ирүүлсэн материалыг хүлээн авахаас татгалзах эрхтэй.
- Интернет мэдээллийн сан, өөр бусад вэб хуудас, холбоост хадгалсан Оролцох сонирхол илэрхийлэх хүсэлтийг хүлээж авахгүй.
- Оролцох сонирхол илэрхийлэх хүсэлт бэлтгэж ирүүлэхтэй холбоотой аливаа зардлыг Компани хариуцахгүй.
- Оролцох сонирхол илэрхийлэх хүсэлтийн хүрээнд асуулт, хариулт явагдахгүй.
“ОЮУ ТОЛГОЙ” ХХК
ХУДАЛДАН АВАЛТЫН ГАЗАР