Оюу толгой ХХК (цаашид ‘Компани’ гэх) боломжит эсхүл туршлагатай мэргэжлийн компани, байгууллагуудыг Өмнөговь аймгийн Баян-Овоо, Манлай суманд байгуулсан мод үржүүлгийн газрын үйл ажиллагааг хариуцан ажиллах үйлчилгээ үзүүлэх тендерт оролцох сонирхлоо илэрхийлэхийг урьж байна.
[“Оролцох сонирхол илэрхийлэх хүсэлт (ОСИХ)” нь Тендерийн үйл ажиллагааны эхний шат бөгөөд худалдан авах хэрэгцээт бүтээгдэхүүн, үйлчилгээг нийлүүлэх сонирхолтой, чадавх бүхий боломжит ханган нийлүүлэгчид зах зээл дээр байгаа эсэхийг олж тодорхойлох зорилготой үйл явц юм.]
Ажлын цар хүрээ:
Үйлчилгээ үзүүлэгч нь дараах ажлыг гүйцэтгэх үүрэгтэй бөгөөд эдгээрээр хязгаарлагдахгүй:
- Баян-Овоо, Манлай суманд байгуулсан Мод үржүүлгийн газрын үйл ажиллагааг бүрэн хариуцаж ажиллах. Үүнд,
- Жилд 250,000 ширхэг, 2 жилийн хугацаанд нийт 500,000 ширхэг суулгац тарьж ургуулна. Тухайлбал, заг, хайлаас, жигд болон говийн бүсийн зохицсон бусад бут сөөг, сөөгөнцөр ургамлын үрслэг тарьж ургуулна.
- Мод үржүүлгийн газрын бүхий л машин техник, тоног төхөөрөмжийг хариуцан ажиллаж, үйл ажиллагааний бэлэн байдлыг ханган, засвар үйлчилгээг цаг тухайд нь гүйцэтгэнэ.
- Худаг, усалгааны системийн үйл ажиллагааг хангаж, засвар үйлчилгээ хийнэ.
- Бүх эд материал, өмч хөрөнгийн эзэмшил, бүрэн бүтэн байдал, тоо хэмжээ, чанарыг бүртгэж хянах эд хөрөнгийн хяналтын систем нэвтрүүлж ажиллуулна.
- Баян-Овоо, Манлай сумын заган ойжуулалтын ажилд дэмжлэг үзүүлж сургаж бэлтгэсэн, туршлагатай боловсон хүчин, шаардлагатай тоног төхөөрөмжөөр хангаж ажиллана.
- Мод үржүүлгийн ажилд хяналт тавих, хяналт шинжилгээ хийх, явцын тайлан гаргах үүрэгтэй мэргэжлийн ургамал судлаач, ойн мэргэжилтэн, зөвлөх ажиллуулна.
- Орон нутгаас ажилтан авч ажиллуулах ажлыг зохион байгуулж мод үржүүлэх, ойжуулах ажилд холбогдох сумын иргэдийг татан оролцуулна.
- Баян-Овоо, Манлай сумын захиргаа болон ард иргэдийг жилд 20’000 ширхэг тарьц суулгацаар үнэ төлбөргүй хангана.
- Санхүү, менежментийн урт хугацааны төлөвлөгөө боловсруулж уг Мод үржүүлгийн газрууд 2028 оноос цааш бие даан тогтвортой ажиллах нөхцөл бүрдүүлнэ.
- Бүхий л үйл ажиллагаандаа Аюулгүй ажиллагаа, эрүүл ахуй, байгаль орчны хууль тогтоомж, дүрэм журам, стандарт шаардлагуудыг бүрэн дагаж мөрддөг байх нөхцөл бүрдүүлнэ.
Ерөнхий шаардлага:
- Оролцох сонирхол илэрхийлэх хуулийн этгээд нь Баян-Овоо болон Манлай сумд бүртгэлтэй орон нутгийн аж ахуйн нэгж, байгууллага бол давуу тал болно.
Дээрх ажлыг гүйцэтгэх туршлагатай, сонирхсон ханган нийлүүлэгчид хамгийн цөөндөө доор дурдагдсан мэдээлэл, бичиг баримтуудыг хавсарган хамт ирүүлнэ үү:
Шаардлагатай бичиг баримтууд:
- Улсын бүртгэлийн гэрчилгээ (хуулбар)*
- Эрүүл мэнд, аюулгүй ажиллагаа, байгаль орчны бодлогын баримт бичиг, журмууд (хуулбар)*
- Бизнесийн ёс зүйн хэм хэмжээ, дүрэм [Энэхүү баримт бичиг нь авлига, хээл хахуулийн эсрэг, сонирхлын зөрчил, шударга хөдөлмөр эрхлэлтийн стандарт, хүний эрх, олон талт болон эрх тэгш байдал, талуудын оролцоо, худалдан авалт болон бусад зүйлсийг багтаасан байна] (хуулбар)*
- Сүүлийн 3 жилийн аудитлагдсан санхүүгийн тайлан (хуулбар)*
- Танай компанийн тухай ерөнхий мэдээлэл*:
- Хувьцаа эзэмшигчдийн мэдээлэл, дүрмийн хуулбар*
- Гүйцэтгэх удирдлагын багийн гишүүдийн мэдээлэл, танилцуулга*
- Байгууллагын бүтэц болон нийт ажиллах хүчин*
* Хэрэв холбогдох бичиг баримтууд сүүлийн хэлбэрээр “Оюу толгой” компанийн “Оюу” Ханган нийлүүлэгчдийн мэдээллийн санд орсон бол ирүүлэх баримт бичигт тэмдэглэгээ хийн ирүүлнэ үү.
Ажлын цар хүрээнд шаардлагатай нэмэлт бичиг баримтууд:
- Ажлын цар хүрээнд тусгагдсан холбогдох ажлын туршлага, танилцуулга
- Харилцагч байгууллагуудаас гаргасан тодорхойлолт (доод тал нь 2)
- Тусгай зөвшөөрлүүдийн хуулбар
- Хүний нөөцийн бодлого, дүрэм журам (хуулбар)
- Сургалт зохион байгуулах чадавх.
Оролцох сонирхлоо илэрхийлэх хүсэлтэй ханган нийлүүлэгчид “Оюу” ханган нийлүүлэгчдийн мэдээллийн санд бүртгүүлсэн байх шаардлагатай. “Оюу” мэдээллийн санд бүртгүүлж амжаагүй ханган нийлүүлэгчид https://oyu-supplierdatabase.ot.mn/ цахим хаягаар орж бүртгүүлнэ үү. Хэрэглэгчийн гарын авлагыг энд дарж үзнэ үү.
Оролцох сонирхол илэрхийлэх хүсэлтийг Монгол хэл дээр бэлтгэн “Оюу” Ханган нийлүүлэгчдийн мэдээллийн сангаар дамжуулан 2025 оны 7-р сарын 31-ний өдрийн 17:00 цагаас өмнө ирүүлнэ үү.
Mэдээллийн уулзалт
Уг Оролцох сонирхол илэрхийлэх хүсэлттэй холбоотой мэдээлэл өгөх уулзалтууд доорх хуваарийн дагуу зохион байгуулагдах бөгөөд сонирхсон хувь хүн, аж ахуйн нэгжүүд нээлттэй (урьдчилан бүртгэхгүй) оролцохыг урьж байна.
| Хаана | Хэзээ | Уулзалтын цагууд |
| Өмнөговь аймгийн Баян-Овоо сумын Засаг Даргын Тамгын Газар | 2025 оны 7 дугаар сарын 23-нд |
– 14 – 15 цагт |
| Өмнөговь аймгийн Манлай сумын Засаг Даргын Тамгын Газар | 2025 оны 7 дугаар сарын 24-нд |
– 14 – 15 цагт |
Анхаарах зүйлс:
- Компани нь зөвхөн Оролцох сонирхол илэрхийлэх хүсэлт хүлээн авахаар зарлаж байгаа бөгөөд энэ нь ханган нийлүүлэгчдээс ямар нэг бүтээгдэхүүн, ажил үйлчилгээ худалдан авах амлалт, баталгаа өгч байгаа хэрэг биш юм.
- Компани нь дутуу эсвэл тогтоосон хугацаанаас хоцорч ирүүлсэн материалыг хүлээн авахаас татгалзах эрхтэй.
- Интернет мэдээллийн сан, өөр бусад вэб хуудас, холбоост хадгалсан Оролцох сонирхол илэрхийлэх хүсэлтийг хүлээж авахгүй.
- Оролцох сонирхол илэрхийлэх хүсэлт бэлтгэж ирүүлэхтэй холбоотой аливаа зардлыг Компани хариуцахгүй.
- Оролцох сонирхол илэрхийлэх хүсэлтийн хүрээнд асуулт, хариулт явагдахгүй.
“ОЮУ ТОЛГОЙ” ХХК
ХУДАЛДАН АВАЛТЫН ГАЗАР