Хаягдал хадгалах байгууламжийн (ХХБ) шүүрлийн усны чанар, түүний тархалт болон хор судлалын судалгаа хийх тухай

“Оюу толгой” ХХК (цаашид ‘Компани’ гэх) боломжит эсхүл туршлагатай компаниудыг “Оюу Толгой компаний Хаягдал хадгалах байгууламжийн (ХХБ) шүүрлийн усны чанар, түүний тархалт болон хор судлалын судалгаа хийх тухай Оролцох сонирхол илэрхийлэх хүсэлт (ОСИХ)-д сонирхлоо ирүүлэхийг урьж байна.

[“Оролцох сонирхол илэрхийлэх хүсэлт-ОСИХ” нь Тендерийн үйл ажиллагааны эхний шат бөгөөд худалдан авах хэрэгцээт бүтээгдэхүүн үйлчилгээг нийлүүлэх сонирхолтой, чадавх бүхий боломжит ханган нийлүүлэгчид зах зээл дээр байгаа эсэхийг олж тодорхойлох зорилготой үйл явц юм].

Ажлын цар хүрээ:

Хаягдал хадгалах байгууламжийн шүүрлийн усны чанар, түүний тархалт болон хор судлалын судалгаа хийх тухай ажил нь дараах хүрээг хамарна:

• Хаягдал хадгалах байгууламж (ХХБ) буюу Хаягдлын сангийн шүүрэлтийн усыг усны чанар, хэмжээ, хүрээлэн буй орчны геохими, гидрогеологийн төлөв байдлыг баяжуулах процессынтехнологийн болон доод урсгалын усны хяналтын цэгүүдтэй харьцуулах судалгаа нь нэвчилттэй усны эх үүсвэр тус бүрээр (жишээлбэл: Процессын ус, үндсэн чулуулгийн гүний ус, өгөршсөн үндсэн чулуулаг, сэвсгэр хурдсын ус, гадаргын, үерийн ус гэх мэт) болон тэдгээрийн эзлэх хувийг тодорхойлох.
• Мөн уур амьсгалын өөрчлөлт, ялангуяа хур тунадасны хэмжээ, ууршилт, голын гольдролын элэгдлийн өөрчлөлттэй холбогдуулан Оюу толгойн ашиглалтын тусгай зөвшөөрлийн талбайндээд болон доод урсгалын, гүний усны хяналтын цэгүүдийн усны чанарын судалгааг харьцуулан хийх. Судалгаанд статистик дүн шинжилгээ, шинжлэх ухааны судалгааны төрөл бүрийн арга, программ хангамжийг хэрэглэж, нөхцөл байдал, үр дүнг тодорхой харуулсан график, тооцоололоор тайланд тусгасан байх ёстой.
• Ундны усны стандарт буюу Дугт гүехэн усны чанарын суурь үнэ цэнийг хангахын тулд ХХБ-ийн шүүрэлтийн усыг цэвэрлэх боломжтой эсэхийг судлах.
• Баяжуулах үйлдвэрт хөвүүлэн баяжуулах процесс, усны эргэлтэнд хэрэглэж буй химийн бодисуудтай уялдуулан нэвчилтийн усны хор судлалын нөлөөг судлах.

Судалгааны ажил дараах ажлын даалгаваруудаас бүрдэх бөгөөд үүгээр хязгаарлагдахгүй:

• Шүүрлийн усны химийн өндөр агуулгатай үзүүлэлтүүдийн химийн процессыг тайлбарлах
• Усны чанарын үзүүлэлтүүдийн хувьд баяжуулах процессоос шүүрлийн ус хоорондын өөрчлөлтийн шалтгааныг тодорхойлох
• ХХБ-ийн доод урсгал болон эргэн тойронд нэвчиж буй усны тархалтын зураг гаргах.
• ХХБ-ийн үйл ажиллагаатай холбоотой гүн, гүехэн гүний ус, технологийн болон шүүрэлтийн усны харилцан хамаарлыг тодорхойлох
• Гүехэн гүний ус руу нэвчиж буй процесс ба шүүрэлтийн уснаас нөлөөлсөн химийн үзүүлэлтүүдийн төрөл, түүний хэмжээг тодорхойлох.
• Усны нэвчилтийн шилжилтийг (хүнд металл эсвэл бусад химийн үзүүлэлтүүдийг) тодорхойлж, хянах боломжит утгуудын хамт гол үзүүлэлтүүдийг тодорхойлох.
• Говийн бүсийн усны хяналтын цэгүүдийн усны чанарыг танилцуулж, голын дээд болон доод хэсгийн гүехэн усны чанарын өөрчлөлтийг уур амьсгалын өөрчлөлттэй холбон тайлбарлаж, судалгааны хүрээнд баттай дүгнэлт гаргана. Судалгаанд статистик дүн шинжилгээ гэх мэт шинжлэх ухааны судалгааны янз бүрийн арга, программ хангамжийг хэрэглэж, нөхцөл байдал, үр дүнг тодорхой харуулсан график, тооцоололоор тайланд тууштай тусгасан байх ёстой.
• Боломжит цэвэрлэх аргыг турших зорилгоор шүүрсэн усны сорьцонд лабораторийн практик туршилт хийх. Хэрэв лабораторийн шинжилгээ хийх боломжгүй гэж үзвэл зах зээл дээр байгаа ус цэвэршүүлэх технологи, түүний техникийн үзүүлэлтүүдийг санал болгох.
• ХХБ-ийн зутанд агуулагдах химийн бодисуудтай холбоотойгоор ХХБ-ийн шүүрэлтийн усны хор судлалын үзүүлэлтүүдийг болон Баяжуулах үйлдвэрт флотацийн процесст хэрэглэж буй усан дахь химийн бодисуудын лабораторийн шинжилгээг хийх боломжтой. ХХБ-ын үйл ажиллагаанаас үүдэлтэй орчинд тархах боломжийг судлах дүгнэлт гаргах.

Дээрх ажлыг гүйцэтгэх туршлагатай, сонирхсон ханган нийлүүлэгчид хамгийн цөөндөө доор дурдагдсан мэдээлэл, бичиг баримтуудыг хавсарган хамт ирүүлнэ үү:

Шаардлагатай бичиг баримтууд:

• Улсын бүртгэлийн гэрчилгээ (хуулбар)*
• Эрүүл мэнд, аюулгүй ажиллагаа, байгаль орчны бодлогын баримт бичиг, журмууд (хуулбар)*
• Бизнесийн ёс зүйн хэм хэмжээ, дүрэм [Энэхүү баримт бичиг нь авилга, хээл хахуулийн эсрэг, сонирхлын зөрчил, шударга хөдөлмөр эрхлэлтийн стандарт, хүний эрх, олон талт болон эрх тэгш байдал, талуудын оролцоо, худалдан авалт болон бусад зүйлсийг багтаасан байна] (хуулбар)*
• Сүүлийн 3 жилийн аудитлагдсан санхүүгийн тайлан (хуулбар)*
• Танай компанийн тухай ерөнхий мэдээлэл*:
  • Хувьцаа эзэмшигчдийн мэдээлэл, дүрмийн хуулбар*
  • Гүйцэтгэх удирдлагын багийн гишүүдийн мэдээлэл, танилцуулга*
  • Байгууллагын бүтэц болон нийт ажиллах хүчин*

* Хэрэв холбогдох бичиг баримтууд сүүлийн хэлбэрээр “Оюу толгой” компанийн “Оюу” Ханган нийлүүлэгчдийн мэдээллийн санд орсон бол ирүүлэх баримт бичгэнд тэмдэглэгээ хийн ирүүлнэ үү.

Ажлын цар хүрээнд шаардлагатай нэмэлт бичиг баримтууд:

• Ажлын цар хүрээнд тусгагдсан холбогдох ажлын туршлага, танилцуулга,
• Харилцагч байгууллагуудаас гаргасан тодорхойлолт (доод тал нь 2)
• Тусгай зөвшөөрлийн хуулбар (хэрэв байгаа бол).

Оролцох сонирхлоо илэрхийлэх хүсэлтэй ханган нийлүүлэгчид “Оюу” Ханган нийлүүлэгчдийн мэдээллийн санд бүртгүүлсэн байх шаардлагатай. “Оюу” мэдээллийн санд бүртгүүлж амжаагүй ханган нийлүүлэгчид https://oyu-supplierdatabase.ot.mn/ цахим хаягаар орж бүртгүүлнэ үү. Хэрэглэгчийн гарын авлагыг энд дарж үзнэ үү.

Оролцох сонирхол илэрхийлэх хүсэлтээ Англи болон /эсхүл Монгол хэл дээр бэлтгэн “Оюу” Ханган нийлүүлэгчдийн мэдээллийн сангаар дамжуулан 2024 оны 3 дугаар сарын 05-ны 17:00 цагаас өмнө ирүүлнэ.

Анхаарах зүйлс:

• Компани нь зөвхөн Оролцох сонирхол илэрхийлэх хүсэлт хүлээн авахаар зарлаж байгаа бөгөөд энэ нь ханган нийлүүлэгчдээс ямар нэг бүтээгдэхүүн, ажил үйлчилгээ худалдан авах амлалт, баталгаа өгч байгаа хэрэг биш юм.
• Компани нь дутуу эсвэл тогтоосон хугацаанаас хоцорч ирүүлсэн материалыг хүлээн авахаас татгалзах эрхтэй
• Интернет мэдээллийн сан, өөр бусад вэб хуудас, холбоост хадгалсан Оролцох сонирхол илэрхийлэх хүсэлтийг хүлээж авахгүй.
• Оролцох сонирхол илэрхийлэх хүсэлт бэлтгэж ирүүлэхтэй холбоотой аливаа зардлыг Компани хариуцахгүй.
• Оролцох сонирхол илэрхийлэх хүсэлтийн хүрээнд асуулт, хариулт явагдахгүй.

“ОЮУ ТОЛГОЙ” ХХК

ХУДАЛДАН АВАЛТЫН ГАЗАР