Анун ХХК зөвхөн бүтээгдэхүүнээ нийлүүлэх бус албан тасалгааны дотоод байгуулалтын зургыг гаргаж, түүнийхээ дагуу цаг хугацаанд нь тохижуулалтыг гүйцэтгэж өгдөг.
Оюу Толгойтой 2008 оноос хойш хамтран ажиллаж, албан тасалгааны тавилга, хэрэгсэл нийлүүлж байгаа юм.
Анун ХХК зөвхөн бүтээгдэхүүнээ нийлүүлэх бус албан тасалгааны дотоод байгуулалтын зургыг гаргаж, түүнийхээ дагуу цаг хугацаанд нь тохижуулалтыг гүйцэтгэж өгдөг.
Орчин үеийн ажлын байрны тавилга нь өнгө үзэмжтэй төдийгүй, зай бага эзэлдэг, бүх талаараа төгс зохицсон байх ёстой гэнэ. Үүнийг Анун ХХК-ийн мэргэжилтнүүд ярьж байсан. Эднийх Оюу Толгой ХХК-тай 2008 оноос хойш хамтран ажиллаж, албан тасалгааны тавилга, хэрэгсэл нийлүүлж байгаа юм. Зөвхөн бүтээгдэхүүнээ нийлүүлэх бус албан тасалгааны дотоод байгуулалтын зургыг гаргаж, түүнийхээ дагуу цаг хугацаанд нь тохижуулалтыг гүйцэтгэж өгдөг аж.
Анун компани хүргэлт, угсралтын бүх ажлыг цаг хугацаанд нь хийдэг. Үүнээс гадна тус компани өөрийн үйлдвэртэй учраас хүссэн загвараар тавилгаа захиалж хийлгэх боломжтой. Энэ бол захиалагч талдаа боломж олгож байгаа давуу тал юм. Нөгөө талаас бүтээгдэхүүний захиалга өгсөнөөр Оюу Толгой ХХК үндэсний үйлдвэрээ давхар дэмжин ажиллаж байна.
Эднийх Оюу Толгой ХХК-тай хийсэн гэрээний дагуу Улаанбаатар болон Өмнөговийн бүх салбар ажлын байруудад бүтээгдэхүүнээ цаг хугацаанд нь ямар нэгэн эвдрэл гэмтэлгүй хүргэж өгдөг. Өөрөөр хэлбэл тээвэрлэлийн ажлыг ч давхар гүйцэтгэдэг гэсэн үг.
Тус компанийн Худалдааны төлөөлөгч Л. Даваасүрэн “Оюу Толгой ХХК-тай хамтарч ажиллахад ямар ч бэрхшээл гардаггүй. Аливаа компани тогтвортой үйл ажиллагаа явуулснаар ханган нийлүүлэгч компаниудын үйл ажиллагаанд ч сайнаар нөлөөлдөг. Оюу Толгой бол манай компанийн хамгийн том түнш. Бид чанарыг нэгдүгээрт тавидаг. Манай захиалагч Оюу Толгой ч ийм шаардлагатай. Бас манай тавилга маш загварлаг байдаг” хэмээн ярилаа.
Анун ХХК хүний нөөцийн хувьд 2009 оноос хойш тасралтгүй өсч байгаа бөгөөд энэ жил нэмж ажилчид сургаж авахаар төлөвлөжээ. Тэд дэлхийн жишигт хүрсэн үйлдвэрлэл, үйлчилгээг Монголынхоо хэрэгдэгчидэд үзүүлэхийг зорьж ажиллаж байгаа юм байна.
Оюу Толгой ХХК хамтрагч ханган нийлүүлэгч нарын үзүүлсэн онцгой үйлчилгээг сайшаан урамшуулах зорилгоор 'Сарын шилдэг нийлүүлэгч' шалгаруулдаг уламжлалтай. Анун ХХК 3 дугаар сарын шилдэг ханган нийлүүлэгчээр шалгарсан юм.
Хариулт үлдээнэ үү