Оюу Толгойтой хамтран ажилласнаар Барилга Корпораци ХХК-ийн хэмжээнд ажилчдын тоо хоёр дахин нэмэгдсэн

Оюу Толгой төслийн талбай дээр Спорт соёлын төв, баяжуулах үйлдвэрийн зарим барилгын ажлуудыг гүйцэтгэж байгаа.

Тус компани нь 2006 оноос хойш Оюу Толгой төсөлтэй хамтран ажиллажээ. 2012 оны байдлаар төслийн талбай дээр агуулахын барилгууд барьж байна.

Оюу Толгой төслийн талбай дээр Спорт соёлын төв, баяжуулах үйлдвэрийн зарим барилгын ажлуудыг гүйцэтгэж байгаа.

Барилга Корпораци ХХК нь барилга угсралт, үйлдвэрлэл, худалдаа, хөрөнгө оруулалтын чиглэлээр үйл ажиллагаа явуулж байна. Тус компани нь 2006 оноос хойш Оюу Толгой төсөлтэй хамтран ажиллажээ. Өнөөдөр барилга угсралтын ажил, кемпийн үйлчилгээ, барилгын материалын ханган нийлүүлэлтийн ажлууд гүйцэтгэж байна. 2012 оны байдлаар төслийн талбай дээр агуулахын барилгууд барьж байна. Мөн Оюу Толгой төслийн талбай дээр Спорт соёлын төв, баяжуулах үйлдвэрийн зарим барилгын ажлуудыг гүйцэтгэж байгаа аж. Барилга Корпораци ХХК-ийн Дэд ерөнхийлөгч, гүйцэтгэх захирал Ш.Эрдэнэбат “Өнөөдөр Оюу Толгой төсөл дээр манайхаас 350 орчим хүн ажиллаж байна. Оюу Толгой төсөлтэй хамтран ажилласнаар манай компанийн хэмжээнд ажилчдын тоо хоёр дахин нэмэгдсэн. Ажлын байр нэмэгдэнэ гэдэг олон талын ач холбогдолтой. Тухайлбал, 350 хүний ард гэр бүл бий. Нэг өрх 3 ам бүлтэй гэвэл 1000 орчим хүн орлоготой, амьдралтай болж байгаа” хэмээн ярилаа. Оюу Толгой компанитай хамтран ажилласан хугацаанд Барилга Корпораци ХХК-ийн бизнесийн өсөлт, хөгжлийн олон боломж бүрджээ. Түүнчлэн компанийн нэр хүнд ч эрс өсчээ. Олон улсын том төсөлтэй хамтарч ажиллах талаар маш их зүйлийг сурч мэдсэн байна. Бас ажилчдын хувьд ч их өөрчлөлт гарчээ. Тэд уурхайн барилгын талбай дээр ажлын цаг баримталж сурч, хөдөлмөрийн аюулгүй байдлыг дээд зэргээр мөрдөх болжээ. Мөн аюулгүй ажиллагааны талаар маш их зүйлийг сурч, туршлага хуримтлуулж байна. Барилга Корпораци ХХК нь Оюу Толгой төслийн 2010 оны хөдөлмөрийн аюулгүй байдлыг эрхэмлэгч шилдэг байгууллагаар шалгарч байсан юм.

Оюу Толгой ХХК хамтрагч ханган нийлүүлэгч нарын үзүүлсэн онцгой үйлчилгээг сайшаан урамшуулах зорилгоор 'Сарын шилдэг нийлүүлэгч' шалгаруулдаг уламжлалтай. Барилга Корпораци ХХК нь 2 дугаар сарын шилдэг ханган нийлүүлэгчээр шалгарсан болно .