Өнгөрсөн хугацаанд Оюу Толгой ХХК-ийн санхүүжилтаар ШУТИС-ийн Дархан уул аймаг дахь Политехник коллежийн өргөтгөлийн барилга, оюутны дотуур байрыг барьж, хүлээлгэн өгчээ.
Хэдийгээр Заг компани барилгын гүйцэтгэгч байгууллага ч олон улсын томоохон төсөлтэй хамтран ажиллаж байгаагийн хувьд олон талаар хөгжиж, суралцсан байна.
– Бүтээн байгуулалтад Заг компани оролцлоо –
Монголд бүтээн байгуулалт эрчимтэй өрнөж байна. Түүнд хувь нэмрээ оруулж байгаа олон компани бий. Эдний нэг бол Заг компани юм. Монголын үндэсний ууган компаниудын нэг Заг 1990 онд байгуулагдсан бөгөөд өнөөдөр барилга угсралт, барилгын материалын үйлдвэрлэл, гадаадад хөдөлмөр эрхлэлт, боловсрол, аялал жуулчлалын чиглэлээр үйл ажиллагаа явуулж байна.
Өнөөдөр Монголын олон зуун компани Оюу Толгой төсөлд бүтээгдэхүүн, үйлчилгээ нийлүүлж байгаа юм. Тус компанийн хувьд 2011 оноос Оюу Толгой компанитай хамтран ажиллаж байгаа юм. Өнгөрсөн хугацаанд Оюу Толгой ХХК-ийн санхүүжилтаар ШУТИС-ийн Дархан уул аймаг дахь Политехник коллежийн өргөтгөлийн барилга, оюутны дотуур байрыг барьж, хүлээлгэн өгчээ. Энэхүү өргөтгөлийн барилга нь 250 оюутны хүчин чадалтай, харин оюутны байр нь 108 ортой юм.
Хэдийгээр Заг компани барилгын гүйцэтгэгч байгууллага ч олон улсын томоохон төсөлтэй хамтран ажиллаж байгаагийн хувьд олон талаар хөгжиж, суралцсан байна. Өөрийн ажилчдаа Оюу Толгой ХХК-иас зохион байгуулдаг аюулгүй ажиллагааны сургалтуудад бүрэн хамруулж, мэдлэг чадвартай болгожээ. Барилга, дэд бүтцийн ажлуудад хамгийн чухал нь аюулгүй ажиллагаа байдаг. Оюу Толгой компанийн хувьд нэн тэргүүнд ажилтны аюулгүй байдлыг дээд зэргээр хангадаг. Тиймээс гэрээгээр ажил гүйцэтгэгч бүх газартаа ч үүнийг мөрдүүлж, хэвшүүлдэг.
Заг ХХК-ийн Гэрээний ажилтан Э.Байгалмаа “Оюу Толгой дэлхийн хэмжээний стандарт хэрэгжүүлдэг учраас бидэнд суралцах зүйл их байлаа. Манай компанийн хувьд барилгуудаа хугацаанд нь чанартай өндөр түвшинд хүлээлгэн өглөө. Ид ачаалалтай үедээ 150-200 хүн тогтмол ажиллуулж байсан. Бас орон нутгаас мэргэжлийн хүмүүс ажилд авч, ажлын байр гаргасан” хэмээн ярилаа.
Хариулт үлдээнэ үү