Ж-энтертайнтент компани нь 1998 оноос мэдээлэл сурталчилгаа, тайз дэлгэц, телевизийн бүтээгдэхүүний үйлдвэрлэл, шоу бизнесийн чиглэлээр үйл ажиллагаагаа эхэлжээ.
Тус компанийн ажилчид Оюу Толгой ХХК-тай хамтран ажилласнаар олон шинэ зүйлийг сурч, ажилчдыгаа сургаж, хөгжүүлэх чиглэлээр ахиц дэвшил гарч байгаа юм байна.
Ж-энтертайнтент компани нь 1998 оноос мэдээлэл сурталчилгаа, тайз дэлгэц, телевизийн бүтээгдэхүүний үйлдвэрлэл, шоу бизнесийн чиглэлээр үйл ажиллагаагаа эхэлжээ.
Оюу Толгой ХХК өнгөрсөн хугацаанд үндэсний 1700 орчим компани байгууллагаас бараа бүтээгдэхүүн худалдан авчээ. Зөвхөн өнгөрсөн 2011 онд 1000 гаруй аж ахуйн нэгжээс 1,7 их наяд төгрөгийн бараа бүтээгдэхүүн, үйлчилгээ авсан байна.
Оюу Толгой ХХК-д ханган нийлүүлэлт хийх чиглэл өргөн хүрээтэй байдаг. Үүний дотроос нэлээд өвөрмөц бүтээгдэхүүн, үйлчилгээ нийлүүлдэг компани бол Ж-энтертайнмент юм. Тус компани нь 1998 оноос мэдээлэл сурталчилгаа, тайз дэлгэц, телевизийн бүтээгдэхүүний үйлдвэрлэл, шоу бизнесийн чиглэлээр үйл ажиллагаагаа эхэлжээ. Тус байгууллага өнөөдөр бүх төрлийн видео бүтээгдхүүн, хэвлэл мэдээллийн хэрэгслийн мониторинг, баяр ёслол, хүлээн авалт, хурал зөвлөгөөний зохион байгууулалт, медиа төсөл хөтөлбөрүүд, медиа сүлжээ зэрэг үндсэн таван чиглэлээр 20 гаруй төрлийн бүтээгдэхүүн үйлчилгээ үзүүлж байна.
Оюу Толгой ХХК-тай хэвлэлийн мониторингийн үйлчилгээ, видео реклам, телевизийн нэвтрүүлэг, медиа төлөвлөлт, хэвлэл мэдээллийн хэрэгсэлийн талбайн байршуулалт, зохицуулалт зэрэг чиглэлүүдээр хамтран ажиллаж байгаа юм. Ж-энтертайнтент компаниийн захирал Д. Ганболд “Бид Оюу Толгой ХХК-тай хамтран ажиллаж, бүтээгдэхүүн үйлчилгээ үзүүлснээр ажлын байрууд шинээр бий болголоо, хүмүүсийнхээ цалин нэмсэн, өөрийн ажлын байртай болсон гээд манай компанийн өсөлт хөгжилтөд томоохон нөлөө үзүүлсэн. Үүнээс гадна зах зээл дээрхи нэр хүнд ч нэмэгдсэн” хэмээн ярилаа. Тус компанийн ажилчид Оюу Толгой ХХК-тай хамтран ажилласнаар олон шинэ зүйлийг сурч, ажилчдыгаа сургаж, хөгжүүлэх чиглэлээр ахиц дэвшил гарч байгаа юм байна.
Өдгөө Ж-энтертайнтент компани шинээр тоног төхөөрөмж худалдан авах, орон даяар мэдээллийн нэгдсэн сүлжээ бий болгох зорилготойгоор ажиллаж байна.
Оюу Толгой ХХК хамтрагч ханган нийлүүлэгч нарын үзүүлсэн онцгой үйлчилгээг сайшаан урамшуулах зорилгоор 'Сарын шилдэг нийлүүлэгч' шалгаруулдаг уламжлалтай. Ж-энтертайнмент ХХК 2 дугаар сарын 'шилдэг ханган нийлүүлэгч-жижиг дунд' -аар шалгарсан юм. Тус компани нь 2 дугаар сард гүйцэтгэсэн ажлаа хугацаанд, ямар ч хоцрогдолшүй чанарын шаардлага хангасан бүтээгдэхүүн үйлчилгээг үзүүлснээр шалгарчээ.
Хариулт үлдээнэ үү